Tiranë, 5 dhjetor - Firma e njohur “Swarovksi” sjell në Shqipëri linjën e re, e para në Ballkan, të konceptuar sipas shijes, “Crystal Forest”.

Në ceremoni merrte pjesë edhe menaxheri rajonal i “Swarosvki”-t, Wolfgang Hauke, i cili pa nga afër dyqanet ku ofroheshin produktet e markës më të njohur në botë.

Linja e re, e quajtur ndryshe “Krahët e Engjëllit”, do të jetë e pranishme vetëm për këtë sezon, pra për adhuruesit e “Swarosvksi”-t shansi është unik dhe duhet ta shfrytëzojnë.

Organizatorët e ceremonisë deklarojnë se përveç inaugurimit, për të pranishmit u promovua edhe koleksioni i ri i Krishtlindjeve 2011-2012.

Për të qëndruar sa më afër të pasionuarve të kristaleve të çmuar, linja “Swarovski” ka hapur një pikë të re, në Tirana East Gate (TEG).

Dyqani, i dyti në vend, u inaugurua, sipas të njëjtit koncept, ditën e premte, në kuadër të ceremonisë së hapjes së TEG.

Edhe për festat e fundvitit, “Swarosvski” ka menduar për klientët e tij, duke ofruar një larmishmëri zbukurimesh dhe dekore të kristaltë, ku bie në sy ngjyra e kuqe.