Prishtinë, 2 shkurt - Universiteti i Prishtinës ka paditur kishën ortodokse “Sveti Nikolla” në Prishtinë për uzurpim të 4.27.16 hektarësh tokë dhe ndërtim të kishës në pronën universitare.

Sipas Koha Ditore, ky universitet ka kërkuar Gjykata Themelore që t’ia njohë të drejtën pronësore dhe ta detyrojë Kishën Ortodokse Serbe që t’ia kthejë këtë pronë universitetit.

“Paditësi kërkon nga Gjykata Komunale e Prishtinës të vërtetohet se Universiteti i Prishtinës është pronar i ngastrës me sipërfaqe prej 4.27.16 hektarësh në Prishtinë, aktualisht e regjistruar sipas certifikatës mbi të drejtat e pronës së paluajtshme numër 19-1289 në emër të kishës ortodokse serbe “Sveti Nikolla”, Prishtinë”, shkruan në padinë e dorëzuar në Gjykatë më 14. 09. 2012.