Prizren, 8 nëntor - Fakulteti i Filologjisë i Universitetit të Prizrenit "Ukshin  Hoti" organizon konferencë shkencore për nder të jetës dhe veprës së Prof. dr. Abdullah Zymberit.

Temë bosht e konferencës është "Ndihmesa shkencore e Prof. dr. Abdullah Zymberit" dhe tema e dytë "Gjendja e studimit të shqipes sot" me nëntema nga fusha e fonetikës, morfologjisë dhe sintaksës.

Kjo veprimtari shkencore do t'i zhvillojë punimet e saj sot në amfiteatrin e Fakultetit Ekonomik të Universitetit "Ukshin Hoti".