Prishtinë, 12 shkurt - Rektorati i Universitetit të Prishtinës ka bërë të ditur për të gjithë studentët, pedagogët dhe drejtuesit e njësive akademike së për shkak të kushteve të rënda atmosferike dhe acarit të madh që ka përfshirë mbarë vendin, shtyhën të gjitha provimet.

Po ashtu sipas UP-së shtyhet edhe marrja e nënshkrimeve, marrja e notave dhe aktivitet e tjera akademike, të parapara për këtë javë me studentë.

Provimet dhe aktivitetet tjera sipas UP-së rifillojnë sërish nga data 20.02.2012. Udhëzohën përgjegjësit e njësive akademike që provimet e parapara për këto ditë, t’i programojnë në një kohë të përshtatshme dhe për këtë t’i njoftojnë me kohë studentët dhe mësimdhënësit.