Universiteti i Prishtinës shënon sot 50 vjetorin e themelimit
Në ceremoninë e 50 vjetorit të UP-së të pranishëm do të jenë qeveritarë, rektorë nderkombetarë dhe vendorë, perfaqesues të misioneve diplomatike, donatorë e partnerë të tjerë.
Themelimi i Universitetit të Prishtinës ishte një ngjarje historike për popullin e Kosovës dhe sidomos për kombin shqiptar.
Kuvendi themelues i Universitetit të Prishtinës u mbajt më 13 shkurt 1970, kurse dy ditë më vonë , më 15 shkurt 1970 u mbajt edhe mbledhja solemne e Kuvendit dhe data e 15 shkurtit u shpall Ditë e Universitetit të Prishtinës.
