Gjilan, 5 mars - Me organizime te ndryshme Universiteti Publik “Kadri Zeka” në Gjilan feston 5 vjetorin e themelimit me moto "Pesë ditë aktivet - Pesë vite Universitet",

 Ditët  për festimin e 5- vjetorit të themelimit të Universitetit “Kadri Zeka” në Gjilan,  fillojnë sot për të vazhduar gjatë gjithë javës me manifestimi qendror qe do të mbahet te premten në mjediset e Universitetit.

Universiteti “Kadri Zeka” Gjilan u themelua me vendimin e Qeverisë së Kosovës me 6 mars 2013, i cili nga Kuvendi i Kosovës u miratua më 30 maj 2013, me idenë e promovimit dhe zhvillimit të arsimit të lartë universitar, kërkimeve shkencore, krijimtarisë artistike, kualifikimit të kuadrove deri në gradën e doktoratës.

Themelimi i UKZ-së bëri të mundur përfshirjen e numrit më të madh të studentëve të rajonit të Gjilanit, të Luginës së Preshevës dhe të viseve të tjera në shkollimin e lartë universitar.