Gjilan, 29 shtator - Në proces të konsolidimit të strukturave drejtuese të Universitetit të Gjilanit, Këshilli Themelues ka emëruar edhe dy ushtruesit e detyrës së prorektorëve.

Sabri Tahiri është emëruar për çështje financiare dhe infrastrukturë kurse Xhevdet Thaçi, për çështje mësimore.

Ushtruesi i detyrës së Rektorit, njëherësh kryetar i Këshillit Themelues,  Prof.Dr.Arben Dërmaku tha se Universiteti i Gjilanit është bërë gati për të pritur studentët e parë të tij, më 1 tetor.

 ”Me këto emërime, Universiteti i Gjilanit ka konsoliduar edhe komponentin menaxhues dhe krahas përgatitjeve që janë bërë, si në aspektin akademik ashtu edhe të infrastrukturës,  Universiteti është i gatshëm për t’i pritur brucoshët e parë me 1 tetor dhe për ta nisur mbarë rrugëtimin e tij”,  tha ud. i Rektorit të Universitetit të Gjilanit, Prof.Dr.Arben Dërmaku.

Gjithashtu në mbledhjen e Këshillit Themelues është formuar edhe Komisioni për përgatitjen e procesit te akredimit.