Prishtinë, 7 korrik - Universiteti i Prishtinës nga nesër do të shpallë konkursin për pranimin e studentëve të rinj për vitin akademik 2015/2016.

Në nivelin e parë të studimeve do të regjistrohen rreth 7 mijë e 800 studentë, prej të cilëve 7 mijë e 330 të rregullt dhe 550 studentë me korrespondencë. Kuotat e studentëve i ka miratuar Ministria e Arsimit, ndërkohë, shtatë fakultetet që kanë pranuar studentë pa provim pranues, sivjet do të kenë provim.

Universiteti i Prishtinës, ka ulur ndjeshëm numrin e studentëve të cilët do të pranohen në vitin e ri akademik 2015/2016. Radio Kosova ka siguruar vendimin e Ministrisë së Arsimit, e cila ka vendosur që krahasuar me vitin e kaluar akademik, këtë vit numri i studentëve që do të pranohen në Universitetin e Prishtinës është zvogëluar për 2 mijë e 724 studentë. Prorektorja për mësim në Universitetin “Hasan Prishtina”, Eda Vula, tha për Radio Kosovën, se për këtë vit akademik do të regjistrohen 7 mijë e 880 studentë, prej të cilëve 7 mijë e 330 studentë të rregullt dhe 550 studentë me korrespondencë.

“Të gjitha njësitë akademike kanë bërë një analizë të stafit dhe kushteve të tjera përcjellëse, të cilat na kanë detyruar që të reduktojmë numrin e studentëve. Pra, numri i studentëve është propozuar nga njësitë akademike, është aprovuar në Senat, mbështetur në kushtet dhe stafin që ne posedojmë. Kemi bërë një ndryshim apo zvogëlim të numrit të studentëve, gjithsesi duke u mbështetur në nevojat që ka shoqëria jonë por edhe duke u bazuar në kushtet që mund të ofrojmë, gjithmonë për hir të ngritjes së cilësisë.” tha Eda Vula.

Ndërkohë, Senati ka vendosur që për vitin e ri akademik do të ketë provim pranues edhe në fakultetet e shkencave matematikore-natyrore, të cilat vitet e kaluara kanë pranuar studentë pa provim pranues. Prorektorja Vula, tha se arsyeja e vendosjes së provimit pranues është që duhet të ketë studentë më të mirë.

“Arsyeja pse këtë vit do të ketë provim pranues është po ashtu të kemi studentë më të mirë. Nga përvojat e kaluara, njësitë akademike e kanë vërejtur se regjistrohen studentët, por pastaj nuk arrijnë të kalojnë vitin e dytë të studimeve për shkak të suksesit të dobët. Këtë vit kërkesa ka ardhur nga njësitë akademike që edhe ato fakultete që nuk kanë pasur provim pranues të kenë provim pranues. Senati e ka miratuar dhe Ministria e Arsimit gjithashtu e ka miratuar. Këtë vit të gjitha njësitë akademikë do të kenë provim pranues.” ka thuar Vula.

Konkursi për pranimin e studentëve të rinj në Universitetin e Prishtinës do të jetë i hapur deri më 16 korrik, ndërsa provimet pranuese do të mbahen më 20 dhe 21 korrik, kurse rezultatet publikohen më 23 të po këtij muaji.

Vendimi i Ministrisë së Arsimit:

Në Universitetin e Prishtinës “Hasan Prishtina” në vitin akademik 2015/2016, në nivelin e parë të studimeve do të regjistrohen 7880 studentë, prej të cilëve 7330 studentë të rregullt dhe 550 studentë me korrespondencë.

MAShT ka zvogëluar numrin e studentëve të propozuar nga Senati i Universitetit të Prishtinës për 270 studentë, si në vijim:

1. Fakulteti Filozofik, do të regjistrojë 540 studentë. MAShT ka zvogëluar numrin e propozuar nga Senati i UP \"Hasan Prishtina\" për 150 studentë.

2. Fakulteti i Shkencave Matematike-Natyrore, do të regjistrojë 595 studentë.

3. Fakulteti i Filologjisë, do të regjistrojë 640 studentë. MAShT ka zvogëluar numrin e propozuar nga Senati i UP \"Hasan Prishtina\" për 45 studentë.

4. Fakulteti Juridik, do të regjistrojë 900 studentë. MAShT ka zvogëluar numrin e propozuar nga Senati i UP \"Hasan Prishtina\" për 100 studentë.

5. Fakulteti Ekonomik, do të regjistrojë 1380 studentë. MAShT ka zvogëluar numrin e propozuar nga Senati i UP \"Hasan Prishtina\" për 170 studentë.

6. Fakulteti i Ndërtimtarisë dhe Arkitekturës, do të regjistrojë 330 studentë. MAShT ka rritur numrin ne propozuar nga Senati i UP \"Hasan Prishtina\" për 20 studentë.

7. Fakulteti i Inxhinierisë Elektrike dhe Kompjuterike, do të regjistrojë 500 studentë. MAShT ka rritur numrin e propozuar nga Senati i UP \"Hasan Prishtina\" për 80 studentë.

8. Fakulteti i Inxhinierisë Mekanike, do të regjistrojë 605 studentë të rregullt, MAShT ka rritur numrin e propozuar nga Senati i UP \"Hasan Prishtina\" për 45 studentë.

9. Fakulteti i Mjekësisë, do të regjistrojë 365 studentë.

10. Fakulteti i Arteve, do të regjistrojë 175 studentë.

11. Fakulteti i Bujqësisë dhe Veterinarisë, do të regjistrojë 700 studentë. MAShT ka rritur numrin ne propozuar nga Senati i UP \"Hasan Prishtina\" për 45 studentë.

12. Fakulteti i Edukimit Fizik dhe i Sportit, do të regjistrojë 140 studentë.

13. Fakulteti Edukimit, do të regjistrojë 460 studentë.

14. Fakulteti i Shkencave të Aplikuara në Ferizaj, do të regjistrojë 550 studentë.

Krahasuar me vitin e kaluar akademik 2014/2015 këtë vit numri i studentëve që do të pranohen në vitin e parë të studimeve për nivelin e parë në Universitetin e Prishtinës është zvogëluar për 2724 studentë.

2.1. Fakulteti Filozofik, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 540 studentë.

2.2. Fakulteti i Shkencave Matematike-Natyrore, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 70 studentë.

2.3. Fakulteti i Filologjisë, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 165 studentë.

2.4. Fakulteti Juridik, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 600 studentë.

2.5. Fakulteti Ekonomik, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 620 studentë.

2.6. Fakulteti i Ndërtimtarisë dhe Arkitekturës, krahasuar me vitin e kaluar akademik 2014/2015 këtë vit numri i studentëve që do të pranohen është rritur për 20 studentë.

2.7. Fakulteti i Inxhinierisë Elektrike dhe Kompjuterike, krahasuar me vitin e kaluar akademik 2014/2015 këtë vit numri i studentëve që do të pranohen është rritur për 20 studentë.

2.8. Fakulteti i Inxhinierisë Mekanike, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 145 studentë.

2.9. Fakulteti i Mjekësisë, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 55 studentë.

2.10. Fakulteti i Arteve, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 39 studentë.

2.11. Fakulteti i Bujqësisë dhe Veterinarisë, krahasuar me vitin e kaluar akademik 2014/2015 këtë vit numri i studentëve që do të pranohen është rritur për 50 studentë.

2.12. Fakulteti i Edukimit Fizik dhe i Sportit, krahasuar me vitin e kaluar akademik 2014/2015 këtë vit numri i studentëve që do të pranohen është rritur për 10 studentë.

2.13. Fakulteti Edukimit, krahasuar me vitin e kaluar akademik 2014/2015 këtë vit numri i studentëve që do të pranohen është zvogëluar për 140 studentë.

2.14. Fakulteti i Shkencave të Aplikuara në Ferizaj, do të regjistrojë 550 studentë

- Në Universitetin \"Haxhi Zeka\" në Pejë në vitin akademik 2015/2016 në nivelin e parë të studimeve do të regjistrohen 2203 studentë.

- Në Universitetin \"Ukshin Hoti\" në Prizren në vitin akademik 2015/2016 në nivelin e parë të studimeve do të regjistrohen 2115 studentë.

- Në Universitetin \"Kadri Zeka\" në Gjilan në vitin akademik 2015/2016 në nivelin e parë të studimeve do të regjistrohen 1515 studentë.

- Në Universitetin \"Fehmi Agani\" në Gjakovë në vitin akademik 2015/2016 në nivelin e parë të studimeve do të regjistrohen 560 studentë.

- Në Universitetin \"Isa Boletini\" në Mitrovicë në vitin akademik 2015/2016 në nivelin e parë të studimeve do të regjistrohen 1242 studentë.

Në gjitha universitetet publike në Kosovë, në vitin akademik 2015/2016 në nivelin e parë të studimeve do të regjistrohen 15,515 studentë.

/RTK/