Prishtinë, 18 qershor - Ministri i Arsimit dhe Shkencës, Ramë Likaj ka marrë vendim që të shtyhet data e mbajtjes së Testit të Arritshmërisë dhe Testit të Maturës Shtetërore.

Këtë vendim, ministri Likaj e ka marrë në konsultim me Ministrinë e Shëndetësisë dhe IKShP-në për shkak të situatës epidemiologjike të ditëve të fundit dhe me qëllim të ruajtjes së shëndetit publik.
 
Sipas vendimit, datat e reja për mbajtjen e këtyre testeve janë:

Testi i Arritshmërisë do të mbahet më 20 gusht 2020.

Testi i Maturës do të mbahet më datë 29 gusht 2020.