Pejë, 31 janar - Sot një delegacion i Unionit të Studentëve Haxhi Zeka të Universitetit Haxhi Zeka Pejë, ka vizituar Organizatën e Veteranëve të Luftës së UÇK-së në Pejë.

Delegacioni i kryesuar nga kryetari Valmir Zogaj, u prit nga kryetari i OVL UÇK Pejë Gazmend Syla me bashkëpunëtorë.

Kryestudenti Valmir Zogaj, ka falënderuar OVL UÇK Pejë për pritjen dhe ka shprehur krenarinë me luftën e UÇK-së.

\"Peja ka dy institucione me vlerë të pamohueshme, Organizatën e Veteranëve dhe Universitetin Haxhi Zeka\"  -  tha mes tjerash Zogaj, që kryeson këtë union me 1500 studentë.

Ndërsa Gazmend Syla duke falënderuar për vizitën, ka kërkuar nga studentët të bashkërendojnë aktivitetet në të ardhmen dhe të forcojnë bashkpunimin.