Prishtinë, 4 qershor - Ceremonia e shpalljes së fituesve në konkursin “Përralla më e mirë për Prishtinën” do të mbahet sot pasdite, në amfiteatrin e bibliotekës “Hivzi Sulejmani”, në lagjen Taukbahqe.

Me këtë rast, siç njoftoi Komuna, për fituesit do të ndahen shpërblime dhe mirënjohje, ndërsa të pranishëm do të jenë juria e konkursit, përfaqësues të shkollave të Komunës së Prishtinës, si dhe personalitete nga fusha e gazetarisë dhe artit të cilët do të ndajnë shpërblimet.

Konkursi “Përralla më e mirë për Prishtinën” sivjet u realizua për herë të parë me nxënësit e grupmoshave 7 – 11 vjeç dhe 12 – 16 vjeç, në kuadër të fushatës “Prishtina lexon”. Ceremonia e shpalljes së fituesve do të mbahet në orën 18:00.