Prishtinë, 30 qershor - Senati i Universitetit të Prishtinës (UP) “Hasan Prishtina”, ka zgjedhur të martën pesë përfaqësuesit e vet në Këshillin Drejtues (KD).

Me vota të fshehta, pas tri raundesh ky Senat ka zgjedhur këta përfaqësues: Fevzi Berishën, Alberta Tronin, Zeqir Veselajn, Kemajl Bislimin dhe Beqir Sadikajn.

Për anëtarë të KD-së kanë aplikuar 23 kandidatë. Sipas Statutit të UP-së, Këshilli Drejtues përbëhet nga nëntë persona, pesë përfaqësues nga universiteti dhe katër, të cilët emërohen nga Ministria e Arsimit, Shkencës dhe Teknologjisë (MASHT).

Epoka e re