Prishtinë, 24 korrik - Rektori i Universitetit të Prishtinës “Hasan Prishtina”, prof. dr. Ibrahim Gashi, priti në një takim drejtorin e Qendrës Kulturore Turke “Yunus Emre”, z. Sadullah Yilmaz, me të cilin diskutuan për mundësitë e bashkëpunimit ndërmjet UP-së dhe universiteteve turke.

Drejtori Yilmaz i premtoi rektorit Gashi se do të negociojë me universitete të tjera turke për arritjen e marrëveshjeve të bashkëpunimit me UP-në, si dhe për sjelljen e profesorëve nga Turqia për të ligjëruar në Departamentin e Gjuhës dhe Letërsisë Turke të Fakultetit të Filologjisë të UP-së, nëse një gjë e tillë kërkohet nga ky Departament.