Prishtinë, 12 nëntor - Rektorati i Universitetit të Prishtinës “Hasan Prishtina” e dënon ashpër sulmin fizik ndaj profesorit të Fakultetit të Arteve, prof. Misbah Kaçamaku, që ka ndodhur dje.

Rektori i UP-së, prof. dr. Ibrahim Gashi, i shoqëruar nga kryetari i Këshillit Drejtues të UP-së, Muharrem Nitaj, dhe dekani i Fakultetit të Arteve, prof.asoc.Adem Rusinovci, ka takuar prof.Kaçamaku, për tu informuar më detajisht për dhunën e ushtruar ndaj tij, dhe për t’i uruar shërim sa më të shpejtë. 

Rektori Gashi konsideron se ky është sulm direkt ndaj Universitetit, prandaj Rektorati i UP-së u ka dërguar letër autoriteteve kompetenteve duke kërkuar ndriçimin e plotë të këtij sulmi, dhe vënien para drejtësisë personat përgjegjës.

Njëkohësisht, rektori Gashi bën thirrje për mospërsëritjen e dhunës ndaj stafit akademik të UP-së.