Prishtina High School tani edhe me shkollë fillore
John Chesnut kryetar i Bordit të shkollës ka thënë së qëllimi kryesor i shkollës është që nxënësit e shkollës fillore të mësojnë bazën e gjuhës angleze dhe të famijarizohen me mësimin në këtë gjuhë.
"Sa më shpejtë që nxënësit avancojnë në shkathtësitë e tyre të gjuhës angleze, aq më të përgatitur do të jenë për të arritur rezultate të larta akademike në vitet në vijim dhe të jenë më të përgaditur për të vazhduar studimet e tyre universitare", ka theksuar ai.
Prishtina High School është shkollë amerikane e akredituar ndërkombëtarisht dhe me licensë të përhershme nga MASHT që ofron një program studimi me kurrikulë amerikane dhe profesorë amerikan, e orientuar në përgatitjen e nxënësve për universitetet më të mira brenda dhe jashtë vendit. Rreth 60% e të diplomuarve të Prishtina High School kanë vazhduar studimet jashtë shtetit në më shumë se 20 vende të ndryshme të botës.
Chesnut ka thënë së Prishtina High School ofron mundësi unike për studim në një shkollë me numër të vogël të nxënësve në klasë, gjë që i’u mundëson profesorëve t’i kushtojnë kujdes individual secilit nxënës.
"Mësimi tek Prishtina High School është realizim i një procesi bashkëveprimi dhe komunikimi të ndërsjelltë mes profesorëve, nxënësve dhe prindërve. Njëra ndër vecoritë e Prishtina High School është që prindërit kanë qasje “online” në përformancën akademike të fëmijëve të tyre."
"Tek Prishtina High School ofrohet një ambient ku nxënësit kanë mundesinë të bëhen pjesë e aktiviteteve të ndryshme duke filluar nga qeveria e studentëve ku ata vetë janë udheheqësit e saj, e më pastaj klubet e ndryshme të cilat kanë për qëllim angazhimin e studentëve në aktivitete jashtëshkollore", ka deklaruar Chesnut.
Nxënësit e Prishtina High School sipas tij edukohen në një ambient që shquhet për diversitet sepse tek Prishtina High School vijojnë shkollimin nxënës nga 15 vende te ndryshme të botës.
"Kur një i diplomuar në Prishtina High School vijon studimet universitare, ata do të dalin ndër me të mirët e Kosovës", ka vlerësuar në fund Chesnut.
Prishtina High School gjendet në lagjen e Matiqanit, 5km larg qendrës së qytetit. Ndertesa 5 katëshe e shkollës ka 22 klase, tre laborator modern të shkencës, bibliotekë, mensë, dhomë fitnesi, fushë basketbolli dhe futbolli.
Stafi dhe mësimdhenësit sigurohen që fëmijet të marrin edukimin më të mirë amerikan në Kosovë!
