Prishtinë, 22 prill - Për nderë të Ditës Botërore të Planetit Tokë, Parlamenti Studentor në koordinim me rektoratin e Universitetit të Prishtinës ka zhvilluar një aktivitet simbolik.

Aktiviteti filloi me pastrimin e Kampusit Universitar duke vazhduar më pas me mbjelljen e luleve para të gjitha njësive akademike. Përveç mbjelljes së luleve duke kontribuar në një ambient më të pasur u shpërndanë edhe fletushka.

Ndër të tjera, kryetari i Parlamentit Studentor, Musa Berisha shtoi se “Qëllimi i këtij aktiviteti simbolik ishte së pari pastrimi i Kampusit Universitar, pastaj mbjellja e luleve para të gjitha njësive akademike.\"

\"Në kuadër të këtij aktiviteti  u shpërndan edhe fletushka të cilat si pikësynim kishin sensibilizimin  e studentëve për mbrojtjen dhe ruajtjen e  mjedisit si dhe  zgjerimin e sa më shume hapësirave gjelbëruese brenda Kampusit Universitar.”

Musa Berisha, në fund bëri thirrje tek studentët, që sa më shumë të kontribuojnë në një ambient të pastër. Aktiveti u zhvillua nën sloganin “Mbillni një lule për një botë më të mirë!