Prishtinë, 6 dhjetor - Për nderimin e ditës ndërkombëtare të vullnetarëve, grupi I nxënësve të shkollës “Mileniumi i Tretë”, nga Prishtina, i dhuruan Ministrisë së Mjedisit dhe Planifikimit Hapësinor, Pemën e Shpresës.

Nxënësit i priti zëvendësministri i mjedisit, Shpëtim Rudi, i cili falenderoi shkollën dhe nxënësit për dhuratën dhe tha se “vetëdijësimi për mbrojtjen e mjedisit mund të fillojë me grup të vogël, mirëpo ndikimi të jetë i madh, cfarë edhe i duhet Kosovës.”

Kjo pemë, e krijuar nga materialet e ricikluara, gjatë ditës u ka ofruar qytetarëve një mundësi për shfaqjen e ideve, dëshirave e shpresës përmes shënimit të mesazheve në “gjethet” e pemës.

Sipas nxënësve vullnetarë, “Pemë e Shpresës” është një shprehje simbolike e revoltës së të rinjëve për ngritje të vetëdijësimit për ruajtjen e mjedisit në Kosovë.