Nis viti i ri shkollor
Me rastin e 1 shtatorit, fillimit të vitit të ri shkollor, në emër të Ministrisë së Arsimit, Shkencës dhe Teknologjisë (MASHT), ministri Ramë Buja ka uruar përzemërsisht të gjithë nxënësit, për këtë ditë të rëndësishme, që shënon një fillim të ri në rrugëtimin drejt diturisë dhe ndërtimit të një të ardhme të ndritur.
Gjithashtu, Buja uroj të gjithë mësimdhënësit dhe prindërit për përkushtimin, profesionalizmin, vlerat dhe virtytet njerëzore që po transmetojnë në edukimin e brezave të ardhshëm.
Ministria e Arsimit, Shkencës dhe Teknologjisë sipas tij tashmë ka bërë të gjitha përgatitjet për një fillim të mbarë dhe besojmë se ky vit shkollor do të jetë i suksesshëm.
"Me dëshirën që suksesi të mos ju mungoj asnjëherë dhe që të kenë shëndetin e mirë, uroj veçanërisht ata nxënës, të cilët për herë të parë fillojnë vitin e ri shkollor", ka theksuar Buja.
Këtë vit janë regjistruar më shumë se 29 mijë nxënës që do të vijojnë klasën e parë dhe më shumë se 31 mijë janë pranuar në shkollat e mesme.
