Gjenevë, 7 shtator - Në botë rreth 775 milionë njerëz nuk dinë të shkruajnë dhe të lexojnë. Këto të dhëna paraqiten në një deklaratë të përhapur të UNESCO-s.

Sipas të dhënave të saj, pothuajse 2/3 e analfabetëve janë vajza dhe gra. Shumica e tyre jetojnë në Azinë Jugore e Lindore, si dhe në Afrikë.

UNESCO konsideron konfliktet e armatosura si një nga arsyet kryesore për numrin e madh të analfabetëve.

Luftrat "të detyrojnë të shpenzosh paratë për nevojat e mbrojtjes, në vend që t’i shpenzosh ato për arsim", "konfliktet reduktojnë gjithashtu rritjen ekonomike, çojnë në përhapjen e varfërisë dhe shkatërrojnë infrastrukturën", vihet në dukje në raport.