Prishtinë, 5 tetor - Ministri i Arsimit, Shkencës dhe Teknologjisë, Ramë Buja, ka udhëtuar për një vizitë zyrtare në Japoni, ku do të marrë pjesë në Takimin e Dhjetë Vjetor të Forumit për Shkencë dhe Teknologji në Shoqëri (STS), që do të mbahet me 6- 8 tetor në Kijoto të Japonisë.

Në këtë forum ministrat e vendeve të ndryshme të botës do të debatojnë për bashkëpunimin ndërkombëtar në fushën e shkencës, teknologjisë dhe inovacioneve.

Forumi STS është një lëvizje e udhëheqësve të botës në fushën e politikës, shkencës, biznesit dhe mediave, që merren me shkencë dhe teknologji.

Në këtë forum marrin pjesë mbi 80 vende dhe organizata ndërkombëtare, udhëheqës të lartë të biznesit, shkenctarë dhe udhëheqës politikë.

Gjatë forumit, ministri Buja pritet të ketë takime edhe me homologë nga vende të ndryshme të botës.