Prishtinë, 26 janar - Një grup nga Kosova në përbërje me anëtarë të Shoqatës së Mësimdhënësve të Historisë së Kosovës, zëvendësministra të Qeverisë së Kosovës, zyrtarë arsimor për kurrikula nga Ministria e Arsimit Shkencës dhe Teknologjisë së Kosovës dhe përfaqësues nga organizata gjermane forumZFD - të cilët njëherazi edhe financuan këtë udhëtim, ndoqën seminarin për Holokaustin, organizuar në Yad Vashem, në Jerusalem, Izrael.

Ky seminar është organizuar enkas, për herë të parë, për një grup nga Kosova. Qëllimi i seminarit ka qenë që pjesëmarrësit nga Kosova të njihen dhe aftësohen lidhur me trajtimin e Holokaustin në fushën e arsimit.

Seminari është realizuar falë angazhimit dhe bashkëpunimit pesëvjeçar të Shoqatës së Mësimdhënësve të Historisë së Kosovës dhe Departamentit për Evropë të Shkollës Ndërkombëtare për Studimet e Holokaustt, në kuadër të këtij Autoriteti.

Gjatë seminarit janë trajtuar tema të ndryshme dhe janë mbajtur disa punëtori për historinë e hebrenjëve në vendet e Ballkanit, për aspektet e përgjithshme dhe të veçanta të Holokaustit, perspektivat historike të antisemitizmit, për Fisnikët mes Kombeve - raste studimi se si familjet shqiptare i kanë shpëtuar hebrenjët etj.

Gjatë seminarit ka pas seanca të drejtpërdrejta edhe me të mbijetuarit e Holokaustit. Grupi gjithashtu ka vizituar Muzeun Historik dhe Muzeun e Arteve të Holokaustit që është në kuadër të këtij Autoriteti, Muzeun e Izraelit në Jerusalem dhe ka zhvilluar vizitë edhe në një shkollë me nxënës izraelito –arab/palestinez ku mësimi zhvillohet njëkohësisht në të dy gjuhët hebreje dhe arabe. Krahas kësaj ka pas ligjërata edhe për Izraelin dhe Lindjen e Mesme.

Gjithashtu, grupi ka pas mundësi që në mënyrë të organizuar të vizitoj Qytetin e Vjetër të Jerusalemit, qytetin Jaffa dhe kryeqytetin Tel Aviv, ku është njohur me monumentet dhe vendet historike të tyre. Vizita ka qenë e suksesshme dhe frytëdhënëse sepse do të shërbej në avan