Prishtinë, 26 qershor - Prof. Asoc. Dr. Merita Koçinaj – Berisha është zgjedhur prorektore për bashkëpunim ndërkombëtar në Universitetin e Prishtinës “Hasan Prishtina”.

Ky vendim është marrë në mbledhjen e Këshillit Drejtues të Universitetit të Prishtinës, të mbajtur me datë dje.

Prof. Asoc. Dr. Merita Koçinaj - Berisha është mësimdhënëse në Fakultetin e Mjekësisë të Universitetit të Prishtinës “Hasan Prishtina” që nga viti 2002, ku aktualisht ligjëron lëndët Mjekësi Sociale dhe Statistikë Mjekësore.

Prof. Koçinaj – Berisha është autore dhe koautorë e disa punimeve shkencore, kumtesave dhe ligjërimeve të prezantuara dhe botuara në vend dhe në shtete të ndryshme të botës.