Prishtinë, 25 prill - Ministria e Arsimit, Shkencës, Teknologjisë dhe Inovacionit (MAShTI) organizon tryezë diskutimi për draftin e Programit Kombëtar të Shkencës 2023-2028.

Fjalën hyrëse do ta mbajë ministrja e Arsimit, Shkencës, Teknologjisë dhe Inovacionit, Arbërie Nagavci, ndërsa fjalë përshëndetëse do të ketë nga kryeministri i Kosovës, Albin Kurti dhe kryetarja e Këshillit Kombëtar të Shkencës, Myzafere Limani.

Programi Kombëtar i Shkencës 2023-2028 është dokument strategjik, i cili ofron vizionin për zhvillimin e sektorit të kerkimit shkencore dhe inovacionit në Kosovë, qasjen ndaj zgjidhjeve të problemeve dhe orientimin e politikave strategjike dhe buxhetore për periudhën 2023-2028.

Programi përmban disa objektiva strategjike për fushat prioritare, të cilat adresojnë problemet kyçe dhe janë të fokusuara në zhvillimin e sistemit kerkimor dhe inovacionit ne Kosovë.

Programi po ashtu ndërlidhet me Draft Strategjinë Kombëtare për Zhvillim 2030, Agjendën e Integrimit Evropian . Programi Kombëtar i Shkencës 2023-2028 është hartuar bazuar në Ligjin për Veprimtari Kërkimore-Shkencore nr.04/.L-135 neni 38 ,Programi Kombëtar i Shkencës.