Lansohet Qendra e Resurseve për Drejtësi Tranzicionale në UP
Prishtinë, 11 maj - Me rastin e themelimit të Qendrës së parë të Resurseve për Drejtësi Tranzicionale në Kosovë, Universiteti i Prishtinës, UN Women dhe Programi i Kombeve të Bashkuara për Zhvillim (UNDP) bëjnë lansimin e Qendrës, në kuadër të projektit Perspektiva Gjinore në Drejtësi Tranzicionale, financuar nga Bashkimi Evropian.
Krijimi i Qendrës së Resurseve për Drejtësi Tranzicionale në Universitetin e Prishtinës synon të rrisë rolin e arsimit në proceset e drejtësisë tranzicionale, duke ofruar programe edukimi, kërkime shkencore dhe aktivitete për ngritjen e vetëdijes.
Lansimi i Qendrës së Resurseve pë Drejtësi Tranzicionale do të shërbejë si një forum diskutimi me aktorët relevantë, duke përfshirë qeverinë, shoqërinë civile dhe akademinë, mbi proceset e drejtësisë tranzicionale në Kosovë.