KREK: Mos e shkatrroni imazhin e UP-së duke e terorizuar atë
"Njëlloj sikurse KREK-u, të gjithë prindërit tanë, qytetarët e Republikës së Kosovës nuk duan t’i shohin pamjet në televizionet e Kosovës, ku Policia e Republikës tonë po i trajton studentët sikurse të ishin kriminel e jo si student të rinjë në moshë që kanë dalë ti kërkojnë të drejtat e tyre për një Universitet ku mbretëron ligji dhe ku aty studiohet", thuhet në reagimin e KREK.
Këshilli i Rinisë Evropiane të Kosovës, kërkon nga Qeveria e Kosovës të ndërhyjë sipas të drejtës ligjore në Universitetin e Prishtinës, duke e kthyer stabilitetin e funksionimit, si dhe duke i larguar të gjithë ata që janë përfshirë në rastet korruptive dhe jo legale si dhe të instalohen programe të veçanta që do t’i parandalonin këto dukuri në të ardhmen.
Studentët e Universitetit të Prishtinës, që tani kanë hyrë në fazën e provimeve, të përgatiten që të iu nënshtrohen provimeve për sukseset e tyre dhe të mos merren me çështje që i takojnë drejtësisë dhe institucioneve përkatëse brenda UP-së.
