KREK i kërkon politikës të shkapet njëherë e përgjithmonë nga UP
Me qëllim të integrimit evropian Universiteti i Prishtinës duhet të jetë në hap me universitetet evropiane si për nga cilësia infrastrukturore ashtu edhe nga ajo akademike.
Për KREK-unë është shqetësues niveli i deritashëm i diplomave dhe punëve akademike në UP.
"Prandaj, ne e përkrahim reformën për rritjen e cilësisë dhe shprehim habinë tonë për reagimet e disa grupeve të studentëve".
"Ne i kërkojmë politikës që të shkapet njëherë e përgjithmonë nga UP. Të rinjtë e një vendi janë e ardhmja e tij. Sa më e lartë cilësia e të diplomuarve në UP aq më e ndritur është e ardhmja e vendit tonë", thuhet në reagimin e KREK-ut.
Të rinjtë dhe studentët e Kosovës duhet që të kërkojnë të rritet cilësia dhe niveli i vlerësimit sikurse duhet të kërkojnë fuqishëm të zhduket korrupsioni në arsim, të rritet siguria në institucionet arsimore, të krijohet infrastrukturë e modernizuar,vende të reja pune, të ofrohen praktika në institucione të ndryshme për studentët, trajnime jashtë vendit e jo të kenë kërkesa që shkojnë në dëm të kualitetit dhe cilësisë në Universitetin e Prishtinës.
