Komuna e Prishtinës vendos ndërprerjen e mësimit në shkolla
Me të dal lajmi për nivelin e lartë të sulfurit në naftën që përdoret nëpër shkolla, Komuna e Prishtinës ka urdhëruar marrjen e mostrave në tri shkolla të ndryshme, dhe analizimin e tyre në laboratorët përkatëse.
Sot kemi marr rezultatet nga laboratori, dhe sipas tyre, niveli i sulfurit në naftën që përdoret në këto shkolla është tepër i lartë, duke i tejkaluar kështu të gjitha normat e përcaktuara me ligj. Po flasim për rezultate, ku vlera e sulfurit kalon më shumë se 600% nivelin i lejuar.
Komuna e Prishtinës ka vendosur ndërprerjen e mësimit në 43 institucione edukativo-arsimore dhe aftësuese të Prishtinës, përderisa të sigurohemi se shëndeti i nxënësvë nuk është në rrezik.
"Kemi kërkuar menjëherë vlerësimin e rrezikshmërisë nga Instituti Kombëtar i Shëndetësisë Publike, e që përmes bisedave joformale na është thënë se është tepër e lartë."
"Kemi kërkuar nga furnitori që ta bëjë zbrazjen e rezervuarëve nga ajo naftë, që ta bëjmë pastaj pastrimin e tyre dhe rimbushjen me naftë cilësore, pa paragjykuar nëse faji për këtë gjendje është tek nafta e sjellë, apo tek rezervuarët e papastra", thuhet në njoftimin e komunës.
Më poshtë mund ta gjeni listën e institucioneve edukativo-arsimore dhe aftësuese të Komunës së Prishtinës, që do të mbyllen deri në një vendim tjetër.
Çerdhet:
“Dielli”
“Gëzimi Ynë”
Shkollat Fillore:
“Asim Vokshi”
“Dardania”
“Elena Gjika”
“Emin Duraku”
“Faik Konica”
“Gjergj Fishta”
“Hasan Prishtina”
“Ismail Qemajli”
“Iliria”
“Meto Bajraktari”
“Nazim Gafurri”
“Naim Frashëri”
“Pjetër Bogdani”
“Zenel Hajdini”
“7 marsi”
“Xhemajl Mustafa”
“Hilmi Rakovica”
“Aton Z. Çajupi”
“Dituria”
“Mitrush Kuteli”
“Nexhmi Mustafa”
“Shkëndija”
“Pavarësia”
“Xhavit Ahmeti”
“Shkolla e re”
“Arbëria”
Shkollat e mesme
“Sami Frashëri”
“Xhevdet Doda”
“Eqrem Çabej”
“Ali Sokoli”
“28 Nëntori”
“Shtjefën Gjeqovi”
“Hoxhë K. Prishtina”
“Abdul Frashëri”
“Prenk Jakova”
“Gjin Gazulli”
“Alauddin”
“Shkolla bujqësore”
“Shkolla e Gjelbërt”
Kurse, të bashkëlidhur e keni Urdhëresën lëshuar nga Kryetari i Komunës, Shpend Ahmeti, si dhe fotografitë nga konferenca e sotme.
