Prishtinë, 1 qershor - Kompania Kosovare për Distribuim dhe Furnizim me Energji Elektrike (KEDS) ka bërë të ditur se sot organizon hapjen e bibliotekave në shkollat fillore në Reznik të Vushtrrisë dhe në Polac të Skenderajt. 

Këto biblioteka do të hapen falë iniciativës së KEDS-it, ku përmes aksionit vullnetar janë grumbulluar nga punëtorët mbi 1000 libra për fëmijë, sikurse janë rregulluar këndet e leximit nga KEDS-i në të dy shkollat.