Prishtinë, 11 mars - Ministri Arsim Bajrami ka urdhëruar Inspektoratin e Arsimit që të nisë inspektimin special pas dyshimeve të ngritura për lëshimin e diplomave false nga Fakulteti i Shkencave të Aplikuara të Biznesit në Pejë mes viteve 1999-2004.

Në vendimin të ministrit Bajrami të datës 9 mars 2015, të cilin ka arritur ta sigurojë gazeta “Zëri”, thuhet se urdhërohet Inspektorati i Arsimit që të ndërmarrë të gjitha veprimet e nevojshme për inspektim special të dyshimeve të ngritura në shkrimin e gazetës “Zëri” me titull: “Megaskandali i Pejës, u lëshuan 503 diploma false”, të datës 4 mars 2015.

/Zëri/