Prishtinë, 21 mars - Sot do të përurohet shkolla në Roganë të Kamenicës, e cila është investim i BE-së dhe inventarin e ka siguruar MAShT në të cilen do të mësojnë 11 paralele të gjimnazit “Ismail Qemali” dhe 15 paralele të shkollës “Andrea Durrsaku” të kësaj komune.

Ndërtimi i kësaj shkolle të mesme të re është pjesë e projektit të BE-së për infrastrukturë ekonomike dhe sociale në komuna, i cili po mbështet zhvillimin rajonal të balancuar në Kosovë.

Nga ky investim në këtë shkollë të mesme të re do të përfitojnë rreth 600 nxënës të Rogaçicës. Kjo shkollë do të funksionojë me dy ndërrime.

Ndërtesa ekzistuese ishte e mbushur plot në saje të shfrytëzimit të atij objekti në të njëjtën kohë edhe nga shkolla fillore \"Metush Krasniqi\" dhe shkolla e  mesme “Ismajl Qemajli”.

Gjithsej 860,000 € janë shpenzuar për implementimin e këtij projekti nga korriku 2014 në shkurt 2016.