Prishtinë, 3 prill - Qendra Amerikane për Këshillim me mbështetjen e Ambasadës se Shteteve të Bashkuara në Kosovë organizojnë Panairin e Universiteteve Amerikane - Edukimi Amerikan.
 
Në panair do të prezantohen dhjetë Universitete Amerikane nga SHBA-të dhe Evropa.

Universitetet Amerikane para nxënëseve, studentëve dhe profesorëve kosovarë do të paraqesin programet e studimeve akademike dhe mundësitë e përkrahjes financiare në këto Universitete Amerikane.

Perfaqesuesit e ketyre universiteteve do te jene prezent: Minerva Schols At Kgi, University of Redlands, The American College of Thessaloniki, Virigina Tech, Savannah College of Arts and Design, Fairleigh Dickinson University, Foothil And De Anza Colleges, University of Colorado, Central Penn College

Përfaqësuesit e Universiteteve Amerikane do të përgjigjen në çdo pyetje të paraqitur nga të interesuarit në panair.

Nëpërmjet regjistrimit online kanë konfirmuar pjesëmarrjen 2,754 nxënës, studentë dhe profesorë që do të përcjellin panairin.

Pjesë e panairit do të jete edhe Greg Delawie, Ambasadori i SHBA-ve në Kosovë.