Prishtinë, 14 qershor - Drejtoria e Arsimit e Komunës së Prishtinës nga sot e deri më datën 24 qershor, hap konkursin për pranimin e fëmijëve në çerdhet publike.

Sipas një njoftimi të komunës, konkurset do të publikohen në secilën çerdhe veç e veç, andaj të interesuarit duhet të aplikojnë drejtpërdrejt në çerdhen për të cilën janë të interesuar.

Po ashtu, njoftohen prindërit e fëmijëve të cilët janë në çerdhe se çerdhet publike do të jenë në pushim vjetor nga 1 deri më 12 gusht.