Prishtinë, 5 qershor - Programi për Arsim Themelor i USAID-it dhe Ministria e Arsimit, Shkencës dhe Teknologjisë (MASHT) sot nga ora 11:00 në Hotel Sirius organizojnë Ekspozitën e Teknologjisë Arsimore.

Programi për Arsim Themelor i USAID-it do të ekspozoj pajisje arsimore për mësimdhënie dhe nxënie që është duke i dhuruar në disa shkolla të Kosovës.

Shkollat do të demonstrojnë përdorimin e teknologjisë arsimore për vizitorët. Kompanitë vendore të cilat prodhojnë ose ofrojnë teknologji arsimore do të ftohen të marrin pjesë që të ekspozojnë prodhimet e tyre.

Ekspozita e teknologjisë arsimore është mundësi që kompanitë vendore të cilat prodhojnë pajisje arsimore t’i ekspozojnë produktet e tyre dhe po ashtu paraqet mundësi që ndërmarrësit të identifikojnë tregun e tyre.