Prishtinë, 29 prill - Këshilli Qendror Grevist i SBASHK-ut pas raporteve të marra nga Këshillat Komunale greviste të SBASHK-ut dhe analizave të bëra nga ta dhe nga vet Këshilli Qendror Grevist ka konstatuar se edhe në llogaritjet që janë bërë sot  dhe pagat që janë procesuar për të punësuarit në Arsim ka shumë gabime në llogaritjen e përvojës së punës të mbi 90% e të punësuarëve ku ju mungojnë 7 vite të përvojës së punës si dhe nuk është bërë  ndryshimi i pagesës për muajt Janar, Shkurt dhe Mars të vitit 2015 ashtu siç  shkruan ne Kontratën Kolektive dhe siç ishin deklaruar çdo herë edhe Kryeministri Mustafa  edhe Ministrat Bajrami e Hoti se kurdo që të merret përvoja e punës do të merret në mënyrë retroaktive nga 1 janari i vitit 2015.

Për këto gabime të lëshuara edhe në këto lista te pagave të cilat u punuan dhe u procesuan sot deri në këtë moment që SBASHK po lëshon këtë komunikatë nuk ka informata as nga MASHT e as nga MF por as ndonjë  prononcim publik pse kanë ndodhur këto gabime  prandaj:

Këshilli Qendror Grevist i përkrahur nga të gjitha Këshillat greviste Komunale dhe nga  Këshilli grevist i Universitetit i njofton të gjithë punonjësit arsimor se greva e përgjithshme vazhdon edhe nesër dhe mbahet me të njëjtin orar sikurse edhe sot.

Gjithashtu i ftojmë  Qeverinë  që  në afat optimal ti përmbushin edhe këto  lëshime që i kanë bërë në mënyrë që mos të humbet mësimi.