Prishtinë, 17 nëntor - Ministri i Diasporës, Valon Murati, është nikoqir i takimit të parë të grupeve të punës për implementimin e marrëveshjes së nënshkruar mes Kosovës dhe Shqipërisë për mësimin shqip në diasporë.

Me këtë rast, në “Villa Gërmia”, hapjen e këtyre punimeve do ta bëjnë: Znj. Lindita Nikolla, ministre e Arsimit dhe e Sportit e Republikës së Shqipërisë, Valon Murati, ministër i Diasporës i Republikës së Kosovës, dhe Arsim Bajrami, ministër i Arsimit, Shkencës dhe i Teknologjisë i  Republikës së Kosovës.

Tre ministrat do t’i kenë fjalimet e tyre, ndërsa, pas përfundimit të hapjes, mediet mund të shtrojnë pyetje rreth marrëveshjes.