Prishtinë, 29 prill - EULEX-i së bashku me Fakultetin Juridik të Universitetit te Prishtinës “Hasan Prishtina” organizojnë gjykimin e simuluar për studentë të fakultetit juridik.

Gjykimi i simuluar do të mbahet në gjykatoren e studentëve të Universitetit të Prishtinës, me ç ‘rast audiencës do ti drejtohen Zëvendës-Shefja e misionit EULEX, Zj. Joëlle Vachter, dekani i fakultetit juridik të Universitetit të Prishtinës “Hasan Prishtina”, Bajram Ukaj si dhe organizatorët. 

Ekspertët e EULEX-it përmes realizimit të gjykimit të simuluar do të trajnojnë studentët e drejtësisë rreth hapave relevant gjatë procesit gjyqësor.

Do të jenë tre ekipe studentësh që do të marrin rolin e gjykatësve, prokurorëve dhe mbrojtësve ligjor.

Ideja është që gjenerata e ardhshme e ekspertëve ligjorë të Kosovës  të mentorohet dhe të ndihmohet në ushtrimin e praktikave më të mira gjatë seancave gjyqësore. 

Studentët do të fitojnë mirënjohje për participimin e tyre dhe do të përfitojnë  njohuri nga gjyqtarët dhe prokurorët e EULEX-it.