Certifikohen 40 të rinj për Udhëheqje dhe Zhvillim të Punës
Ky kurs përfaqëson mësimin tërëjetësor dhe është në përputhje me qëllimet e Bashkësisë Evropiane, e cila mbështet zhvillimin e mëtutjeshëm të edukimit, trajnimit atraktiv që është një nga parakushtet për zhvillimin e kompetencave kyçe që lidhen me integrimin në BE.
Zëvendësministri i Arsimit, Nehat Mustafa, në fjalën e rastit ndër tjera tha se ajo që e karakterizon punën rinore të cilën po e promovojmë, është rëndësia që kjo fushë i kushton arsimit joformal.
\"Në rrethin që nuk është as shkollë e as shtëpi, por që i përket një rrethi të afërm në të cilin lëvizin njerëzit e rinj, përfitojnë shkathtësi të ndryshme jetësore, dije dhe qëndrime, duke fituar mundësinë e vetëzbulimit dhe vetëvlerësimit, duke marrë pjesë në programe të ndryshme në kuadër të modelit.\"
Kjo strategji sipas tij do të lehtësojë periudhën e tranzicionit të punës rinore në raport me veprimtaritë tjera arsimore - edukative, dhe inkuadrimin e tyre në shoqërinë demokratike .
MASHT-i , u gëzohet sukseseve të para të këtij programi ndërsa gjeneratës së parë të cilët po certifikohen u dëshiron sukses në punën e mëtejme, vend meritor dhe respekt në shoqëri” tha në fund zv. ministri Mustafa.
Programi është implementuar nga organizata joqeveritare “ Forum Syd” në Kosovë, e mbështetur nga Ministria e Arsimit, Shkencës dhe Teknologjisë, Ministria e Kulturës, Rinisë dhe Sporteve, Agjencioni Suedez për Zhvillim Ndërkombëtar , Universiteti i Evropës Juglindore dhe org. “Triagolnik” ( të dyja nga Maqedonia).
Kurset për një vit rresht i kanë ndjekur përfaqësues të të gjitha komuniteteve në Kosovë, ndërkaq kjo është gjenerata e parë e të diplomuarve .
