Prishtinë, 14 shkurt - Kompania Cacttus nga Prishtina fitoi sot vendin e parë në garën për arsim dhe aftesim profesional të cilin e ndajnë Oda Ekonomike e Kosoves, Ministria e Arsimit, Shkences dhe Teknologjise dhe GIZ-i.

Me kete rast kryetari i Odes Safet Gërxhaliu ka thënë se ka ardhur koha kur arsimi dhe aftësimi profesional eshte i nje rendesie te veçante.

“Ju e dini qe keni filluar nje gare per te inkurajuar komunitetin e biznesit qe te jene sa me aktiv ne mbështetjen e arsimit dhe aftësimit profesional . Ne po bisedojme per ekonomi, per politike per integrime politike dhe ekonomike por shume here po harrojme ate me te rendesishmen, arsimimin e njerëzve tane. Baze e cdo zhvillimi te nje shteti eshte arsimimi i njerëzve te tij”, ka thene me kete rast Gerxhaliu.

Kreu i OEK-ut ka thene se ka ardh koha qe ti kushtohet me shume rendesi kualifikimit te fuqise punetore.

“ Arsimi dhe aftësimi profesional eshte duke u zhvilluar ne Kosove mirëpo ne si perfaqesues te bizneseve mendojme se duhet te behete me shume. Per Oden Ekonomike te Kosoves arsimi dhe aftësimi profesional eshte i nje rendesie te veçante dhe ne si Ode kemi themeluar Departamentin per Arsim”, ka thene kryetari i Odes.

Ryve Prekorogja, nga Ministria e Arsimit, Shkences dhe teknologjise ka thene se roli i ndërmarrjeve ne arsim dhe aftësim profesional eshte rendesishem.

“ Aftësimit profesional dhe zhvillimi ekonomik jane te lidhura shume  ngusht, andaj nese nisemi prej kësaj mund te deklaroj se nuk do te kemi arsim profesional pa pjesëmarrjen e juaj ne kete lloj arsimimi dhe e kunderta nuk do te ket zhvillim ekonomik pa arsim te mirefillte profesional”, tha ajo.

Vendin e dyte ne kete gare e ka fituar Rroni-Fer, nga Gjakova.