Prizren, 11 nëntor - Ministri i Arsimit, Shkencës dhe Teknologjisë  Ramë Buja , mori pjesë në hapjen e punimeve të simpoziumit shkencor kushtuar veprimtarit, intelektualit dhe atdhetarit Ukshin Hoti . Ky simpozium është organizuar  nga Universitetit të Prizrenit i cili njëherësh mban emrin  Ukshin Hoti .

Ministri Buja me këtë rast ndër tjera tha se ndjehet i privilegjuar që ka rastin të  merr pjesë në simpoziumit shkencor kushtuar jetës dhe veprës së Ukshin Hoti.

“Ukshin Hoti ishte njeri i kombit, i sakrificës , profesor dhe intelektualin e shquar të kombit tonë i cili tërë jetën ja kushtoi lirisë së vendit  ” .

Duke folur për  faktin se ende nuk dihet asgjë për fatin e  atdhetarit Hoti, ministri  Buaj tha se “ njerëzit e mëdhenj si Ukshin Hoti kanë vetëm ditëlindje , ata janë përjetësisht të  pavdekshëm “.

Në vazhdim ministri Buja foli edhe për  aspekte tjera të jetës e veprës së Ukshin Hotit ndërsa  porositi studentët e  Universitetit të Prizrenit që të ndjehen krenarë për emrin që mbanë ky institucion njëherësh ftoi punonjësit shkencorë që të punojnë e hulumtojnë sa më shumë për veprën e madhe të Ukshin Hotit  pasi që ende ka shumë për tu thënë , vlerësoi  në fund ministri Buja .

Ndërkaq  veprimtari  i çështjes kombëtare z. Adem Demaqi,   e vlerësoi  Ukshin Hotin si intelektual largpamës , njeri të teorisë dhe praktikës , sakrificës sublime për çështjen shqiptare .

“ Ai ishte në përballje me të gjithë , brenda dhe jashtë vendit për çështjen kombëtare  por gjithnjë me gjuhën e argumenteve bindëse  e të pakontestueshme,  njëherësh i papërkulshëm ndaj goditjeve që pësoi nga regjimi” .

Për  jetën dhe veprën e Ukshin Hotit folën edhe  rektori i Universitetit të Prishtinës  z. Ibrahim Gashi dhe  rektori i Universitetit ët Prizrenit  z. Zahedin Shemsedini  ( u.d) .

Në emër të familjes, të pranishmit i përshëndeti djali  Andin Hoti i cili tha se ndjehet krenarë për jetën dhe veprën e babit Ukshin Hoti  ndërkaq tha se  mbetet që gjeneratat e reja , studentë, profesorë  dhe  intelektualët  tjerë të vendit  të punojnë  dhe qojnë përpara zhvillimin  e vendit ashtu siç e dëshironte z. Hoti.