Stambolli, 9 maj - Numri i turistëve të huaj që vizituan Stambollin në muajin mars u rrit me 112 për qind krahasuar me të njëjtin muaj të një viti më parë dhe arriti në 1 milion e 156 mijë e 400.

Sipas të dhënave të Drejtorisë së Kulturës dhe Turizmit të Rrethit të Stambollit, 2 milionë e 904 mijë e 460 turistë të huaj kanë vizituar qytetin në tre muajt e parë të vitit.

Duke pritur 545 mijë e 608 turistë të huaj në mars të vitit të kaluar, me një rritje prej 112 për qind, këtë vit 1 milion e 156 mijë e 400 turistë kanë ardhur në Stamboll.

1 milion e 153 mijë e 138 prej turistëve e kanë vizituar qytetin me rrugë ajrore, 3 mijë e 262 nga deti. Numri i atyre që kanë mbërritur në qytet me rrugë ajrore është rritur me 113 për qind krahasuar me një vit më parë, ndërsa numri i atyre që kanë mbërritur me rrugë detare është rritur me 12 për qind.

Ndër të huajt që erdhën në Stamboll në muajin mars, iranianët zunë vendin e parë me 116 mijë e 626 persona.

Iranianët ndiqen me përkatësisht 92 mijë e 194 me gjermanët, 90 mijë e 394 me rusët, 42 mijë e 355 me anglezët, 40 mijë e 120 me izraelitë, 40 mijë e 119 me francezët, 36 mijë e 801 me amerikanët, 29 mijë e 49 me irakianët, 28 mijë e 28 me holandezët dhe pasojnë nga Kuvajti me 27 mijë e 23 turistë.

Në Stamboll në mars erdhën turistët nga 192 vende të botës.