Ankara, 13 gusht - Antalia, Mulla dhe Stambolli janë tre destinacionet më të preferuara nga turistët ukrainas që shkojnë për pushime në Turqi.

Sipas të dhënave të shtetit turk sivjet pritet rritje rekord në numrin e turistëve ukrainas në Turqi.

Këshilltari për Kulturën dhe Turizmin në Ambasadën e Turqisë në Kiev, Berat Yıldız në intervistën që i dha korrespondentit të agjencisë së lajmeve Anadolli (AA) tha: “Numri i turistëve që do të shkojnë këtë vit nga Ukraina në Turqi do të thyej rekordin e të gjitha kohërave”.

90 për qind e turistëve ukrainas preferojnë që pushimet ti kalojnë në Antalia, Mulla dhe Stamboll.

Numri i ukrainasve që kanë vizituar këto 3 qytete në muajin korrik 2013 krahasuar me të njëjtën periudhë të vitit të kaluar ka shënuar një rritje përkatësisht me 18 për qind, 16 për qind dhe 15 për qind.