Princesha e Tajlandës interesohet për projektin e Brezovicës
Zëvendëskryeministrja Kusari-Lila e informoi shkëlqesinë e saj, znj.Rajadarasri Jayankura për reformat ekonomike që Qeveria e Republikës së Kosovës është duke ndërmarrë për përmirësimin e ambientit për të bërë biznes, për përparësitë që ofron Kosova karshi vendeve të rajonit për investitorë, për aktivitetet e ministrisë që ajo e drejton si dhe prezantoi projektin e Brezovicës.
Ndërsa, shkëlqesia e saj znj. Rajadarasri Jayankura tha se do të bëjë përpjeke për të sjell investitorë në Kosovë, por edhe për të ngritur bashkëpunimin ekonomik.
Princesha e Mbretërisë së Tajlandës shprehu interesim të veçantë për projektin e Brezovicës.
Gjatë këtij takimi i pranishëm ishte edhe Salah-Eddine Allali, drejtor Ekzekutiv dhe Specialist i Tregut të kompanisë EPI Group, kompani e specializuar në Inxhinieri, Sistem informativ si dhe Transport Publik, i cili shprehu interesim të veçantë për energjinë solare dhe atë të thëngjillit.