Prishtinë, 23 qershor - Ministri i Infrastrukturës, Lutfi Zharku, sot e nënshkroi udhëzimin administrativ, (MI) nr. 12/2017 (MI) për mbikqyrjen profesionale në fushën e patentë shoferit.

Ky Udhëzim Administrativ ka për qëllim përcaktimin e  procedurave për zbatimin e  mbikqyrjes profesionale, masat që ndërmerren ndaj subjekteve dhe personave të cilët tregojnë performancë të dobët profesionale, aktivitetet e mbikqyrjes profesionale, kompetencat e organit për mbikëqyrje profesionale në fushën e patentë shoferit (në tekstin e mëtejmë: mbikqyrja profesionale).

Udhëzimi Administrativ hyn në fuqi shtatë ditë pas nënshkrimit nga ministri.