Zharku inspektoi punimet e asfaltimit të rrugëve në Kçiç dhe Koshtovë
Fillimisht, ministri Zharku vizitoi fillimin e punimeve të asflatimit të rrugës në fshatin Kçiç i Vogël, projekt ky i financuar nga Ministria e Infrastrukturës në vlerë prej 171,580.34 eurosh, me një gjatësi prej 1623 metrash dhe gjerësi prej 5 metrash.
Më pas, ministri Zharku vizitoi projektin tjetër infrastrukturor, asfaltimin e rrugës që lidh fshatin Koshtovë me rrugën nacionale N2, i cili po ashtu, është financuar nga MI në vlerë prej 231,149.21 eurosh, me një gjatësi prej 1656 metrash dhe me gjerësi prej 5 metrash.
Ministri Zharku theksoi përkushtimin e MI-së dhe Qeverisë së Republikës së Kosovës për përmirësimin e infrastrukturës rrugore në të gjithë vendin.
Ministria e Infrastrukturës është duke financuar 70% të projektit për ndërtimin e rrugës në fshtatin Vërnicë së bashku me komunën e Mitrovicës. Vlera e këtij projekti është 452,869.20 euro.
