Ymeri: Nuk po e paguajmë RTK-në që të jetë altoparlant i Qeverisë
Shkas për këtë reagim, Ymeri ka marr nga letra që 60 redaktorë dhe gazetarë të këtij mediumi kanë shkruar duke kundërshtuar letrën që drejtori i RTK-së, Mentor Shala, ua kishte dërguar Reporterëve pa Kufij.
“Kapja dhe censurimi i RTK-së nga Qeveria, që sot u dëshmua me fakte nga gazetarët dhe redaktorët e këtij mediumi, flet për autokracinë që është instaluar dhe po forcohet në Kosovë. Qytetarët e Kosovës nuk po paguajnë që RTK-ja të jetë altoparlant i Qeverisë”, ka thënë Ymeri.
Për këtë arsye, kryetari i Vetëvendosjes, Visar Ymeri, ka thënë se më 18 prill “do të protestojmë për çkapjen e këtij mediumi nga pushteti”.
