SHBA, 2 janar - Një panel gjykues ndërkombëtar thotë se korporata me bazë amerikane, Exxon Mobil, duhet të pranojë rreth 908 milionë dollarë, si kompensim nga Venezuela, për nacionalizimin e aseteve të kësaj kompanie, nga qeveria e presidentit socialist, Hugo Çavez.

Exxon Mobil bëri të ditur dje se Oda Ekonomike Ndërkombëtare ka vlerësuar se kompania shtetërore e naftës, Petroleos de Venezuela SA, ka një detyrim kontraktual për korporatën Exxon Mobil.

Sipas kompanisë, çmimi është rreth 908 milionë dollarë. Agjencia e lajmeve AP tregon se bazuar në rregullat e Odës Ekonomike Ndërkombëtare, vendimet e saj janë të detyrueshme.

Ndërkohë zyrtarët e qeverisë së Venezuelës ende nuk kanë dhënë ndonjë koment.