Prishtinë, 1 Qershor - Në ditën ndërkombëtare të fëmijëve, Telekomi i Kosovës lanson produktin më të ri “Vala Kids”. Përmes këtij produkti të gjithë prindërit do të kenë mundësinë  që të monitorijnë fëmijët e tyre 24 orë, varësisht se ku ndodhen në territorin e Republikës së Kosovës.

Këtë monitorim e mundëson ora e mençur  që vendoset në dorën e fëmijëve/nxënësve, e cila është e lidhur me sowtuer/aplikacion, ku përmes një numri të Valës, të vendosur në orën e dorës, prindërit njoftohen për vendndodhjen/lokacionin e fëmijëve të tyre.

E veçanta e këtij produkti është se kjo orë e dorës detekton vendet e sigurta dhe ato me rrezikueshmëri, ku me automatizëm përçohet informata në telefonin mobil të prindit me anë të një alarmi.

Gjithashtu edhe vetë fëmijët mund të bëjnë thirrje nga kjo orë, në tre numra të përzgjedhur, GPS dhe LBS, me ç’rast në atë këtë moment tregon lokacionin e saktë se prej nga është duke ardhur ajo thirrje.

“Fëmijët e të gjitha grupmoshave, që nga sot do të jenë edhe më të lumtur dhe më të sigurtë. Ata do ta festojnë këtë ditë me një dhuratë të veçantë që ofrohet nga Vala. Për këtë arsye, ne këtë ditë e kemi kthyer, jo vetëm në një ditë festive, por edhe në një ditë gëzimi për të gjithë prindërit, të cilët tash e tutje nuk do të brengosen për vendndodhjen e më të dashurëve të tyre”, theksoi Drejtori Menaxhues i Telekomit të Kosovës, Agron Mustafa.

Për të gjithë ata prindër, nxënës, fëmijë, që janë të interesuar për këtë produkt/shërbim, duhet të vizitojnë njërën nga pikat më të afërta të shitjes të Telekomit të Kosovës/Valës.