Lubljanë, 26 shkurt - Menaxhmenti i “Telekom Sllovenia”, pronari i operatorit maqedonas “One” publikoi rezultatet e pashqyrtuara financiare për punën e grupacionit për vitin 2010.

Në kumtesën e kompanisë qëndron se për shkak të investimeve të shumta në Maqedoni, me blerjen e “Kosmofon”-it, “One” i tanishëm, si dhe të atyre në Kosovë (“Ipko”), me vlerë të përgjithshme prej 208.2 milionë euro, grupacioni ka lajmëruar humbje të përgjithshme operative prej 211.2 milionë euro për vitin e kaluar.

Në rretahan të tilla, menaxhmenti i “Telekom Sllovenia” paralajmëron ndryshim të menaxhmentit dhe zvogëlim të rrogave të të punësuarve në filialet e tyre në Maqedoni dhe Kosovë.