Prishtinë, 17 janar - Komuna e Prishtinës ka bërë të ditur se falë punës së palodhshme të ekipeve të Drejtorisë së Shërbimeve Publike dhe ekipeve të Drejtorisë së Inspeksionit, të cilat kanë punuar gjatë gjithë natës, të gjitha rrugët në Prishtinë janë plotësisht të pastruara.

Derisa Drejtoria e Shërbimeve Publike ishte angazhuar në pastrimin e rrugëve kryesore të qytetit, ekipet e Drejtorisë së Inspeksionit u përkujdesën që edhe rrugët në pjesët rurale të pastrohen, kurse Ndërmmarja Publike “Hortikultura” po i pastron të gjitha trotuaret në qytet.

Megjithatë, për shkak se priten të reshura edhe sot gjatë ditës, Komuna apelon te ngasësit të kenë kujdes të shtuar gjithsesi.

Ekipet e pastrimit të borës do të jenë në kujdestari gjatë gjithë kohës dhe të gatshme të intervenojnë, posa të shfaqet nevoja.