Prishtinë, 12 prill - Komisioni Qeveritar për Privatizimin e Postë Telekomit të Kosovës (PTK) sot organizon hapjen e ofertave financiare për privatizimin e 75% të aksioneve të PTK-së.

Në garë për privatizimin e shumicës së aksioneve të PTK-së janë dy kompani. Kompania gjermane “AXOS- capital”, në konsorcium me “Najafi Companies LLC”, dhe me partnerët e saj “British Telecom” dhe “Telecom Italia”, si dhe kompania libaneze “M1 International” pjesë e “M1 Group”.

Dy kompanitë, sot rreth mesditës, përfundimisht japin ofertat e tyre financiare që kuptohet edhe si shitja e kompanisë më profitabile në vend – PTK’së. .

Pas hapjes së ofertave, propozimet dhe shumat e ofruara shkojnë në mbledhje të Qeverisë për miratim. Qeveria brenda mbledhjes duhet të vendos pro apo kundër fituesit.